main jo aadami hota

                  kudh ki kabra ager khod pata to aadmi hota

                                      wo jo kudh ko sare-aam bech pata to aadmi hota

                            mahaz do woqt ki roti  ban pati iman to aadmi hota 

                                                        kisi gair ki duniya ko apna ghar bana pata to aadami  hota

          bewazah roz roz jo koi tamasha bana pata to aadmi hota

                                           inshaniyat jo haiwaniyat me badal pati to aadmi hota 

                  badal chuki hai jo dunia ki rawyante

                                             badal chuki hai jo dunia ki rawyante 

un badalti rawanyaton me jo  kudh ko badal pata to aadmi hota

AHSAS

koi kahta hai ise kissa ,

                      koi samjhata hai kahani

mohbbat   ki duniya to hoti hai rumani ...

suru hoti hai  ankho se utarati hai  jo runho me

maunjo milti ho koi jaise samndar ki panaho me.

karati hai bekhauf sauda ye ankho se sanso ka

de jati kabhi dastak dabe panv baharon ka..

koi kahta hai ise kissa , 

                          koi samjhata hai kahani

mohbbat   ki duniya to hoti hai rumani ...

  kabhi jo khatm na  ho aisi dastan ye har roz kahti hai

dilon me dard banati hai kabhi roshan ye karti hai

mohbbat ki anch se sikti hai jab kai sardi ki rante

tadpate dil me rah jati hai jab kuch khone ki bante

han  banta hai tab koi kissa 

                                ya phir banti hai kahani

mohbbat   ki duniya to hoti hai rumani ...

main aam aadami

 do roti basta jeevan  a

                       chand kapdo se jo dhakta tan

jeevan ki bhagam bhag me

                               main aam aadami

subah ki pahli pahar me jab pair mere chal chalate hai

                             sabki chinta ,khud ki duvidha liye..

main aam aadami

                            ankhe hoti hai bojhal  jab  sapno ki aanh se 

manhgayi ghul jati ghar ki har muskan me

                        bhari kadmon se har sham lautata     

 main aam aadami

jeevan se sangharsh hun karta apni niyati se main ladta 

tyoharon par khush ho jab khali bartan se man ladta

ghar ki tuti chat se jab barish ki boond tapakti hai

netaon  ke wado se phir koi umeed ko bunta 

main aam aadami

chah nahi mujhe mahalon ki ,na hi rutabe auhadon ki

jeevan ka adhikar mangta , khud ka ek samman mangta 

main aam aadami

khone ko na raha hai ab kuch ,pane ko baki hai sab kuch 

tan bhar kapda man bhar roti ankhon me ashaon ki jypti

khushiyon ka sansar khojta

main aam aadami

''@@hat''

badal ki rimjhim bundo me jab teri aahat aati hai

bahati har purwayi me jab teri khushbu aati hai

kho jata  hai koi badal kisi parwat ki oat me

band ho jata koi bhramar jab kisi kumudini ki banh me

boond tapak kar jab patte se sargam banane lagti  hai

han phir aise mausam mujhe teri yad dilati hai

badal ki rimjhim bundo me jab teri aahat aati hai
bahati har purwayi me jab teri khushbu aati hai

pas nahi tu door sahi  par teri ek anubhuti hai 

sawan ki mad mast hawa me ye kaisi khamoshi hai

tujh bin jeevan ki kalpana bin badal barsat hai

dharati ko rahti jaise barkha ki pyas hai

badal ki rimjhim bundo me jab teri aahat aati hai
bahati har purwayi me jab teri khushbu aati hai

man re tu har na man..

man mere tu har na man..........

jeet ka rasta hai kathin 

tujhe karne hai abhi jatan

man mere tu har na man..............

tujhme hai woh bat 

badal sakta hai tu itihas

raste nahi hai to kya

hausalon ki udan hai ,teri ek pahchan hai:

jeet sakta hai tu is samay ke chakr ko

vyarth na kar khud ko tu murakh

badal sakti hai har woh surat 

jisame tera man hai ,abhiman hai

man re tu har na man............

chod duniya ki tu chinta 

khud  ko kyun auro me ginta

teri rah mahan hai,

jeevan ka tu man hai

dole jab jeevan ki naiya 

khud ka tu ban ja khewaiya

sahilon ki tu pahchan hai 

manzilon ki tu shan hai

man re tu har na man.....................

ankhon ke galiyaron se

..............man mera jab bhar ata hai apni hi kuch baton se ,

                  sab kuch khali lagta hai jab jivan ki saugaton me;

'kuch khwab saja leti hun tab ankhon ke galiyaron me''

.........khud ko rang leti hun jab is berangi duniyan me main,

pal bhar me koi indra dhanush jivan me banane lagta hai,

tumko hi phir pa jati hun ankhon ke galiyaron me,

...........kisi ajnabi dagar jab ye jivan ki rah mujhe le jati hai,

tapne lagte hai pair mere kisi registani dharti per ,

man vichlit ho uthata hai jivan ki kadwahat se,

har kabhi jab jeet si anubhuti dene lagti hai....

vairagi man mera jab phir chanchal hone lagta hai ..........

tumko hi phir pa leti hun ankho ke galiyaron me..

.................ankhon ki hi bat kahi apni in bato me....

tumko khoya ,tumko paya main bas bas raton me .

''har nahi mani hai ab tak jivan se hai ek jid tab tak''

astitav banane ka apna aayam naya banaugi

teri ankhon ke sapno ko main pura kar jaungi

ankhon ke is sune pan main phir se bhar jaungi...

'' tum dekhoge uspar kabhi jab ankho ke galiyaron se''

badalon se nikalte nayi subah nam tere kar jaungi...